Kita MAU, Kita BISA!

Batabek wak lai....dari pado nganggur...hee...hayuu....'maen' lumpurrr

Hmm….kalo dipikir-pikir nih ye, jadi mahasiswe itu euunaaak juge. Pan tinggal belajar aje. Setidaknye, ade tujuan nyang kepingin dicapai. Lha, kalo ude tamat nih, jadi pengangguran, kaga tau nih! Mau ini, iye. Nyang itu pun iye. Tapi, kaga ade yang jadi! Hee… Kadang, aye malah kepingin S-2 aje. (Hiiih, aye banyak maunye nih…hihi).

Beberapa hari nyang lewat, aye tilpun-tilpunan ame temen2 se wisma nyang masi sama-sama pengangguran. Hee…so pasti pertanyaannye, yaah seputar-seputar itu-itu aje. “eh, ude masukin lamaran kemane aje? Diterima kaga? Lulus kaga?” hihi.

Sekarang, pertanyaan yang paling sulit aye jawab ntu adalah, “Thel, ude kerja di mane? Trus ape rencananye?”
Fiuufff…
Jawaban standar dari aye adalah…”Masi pengangguran. Hihi.”

Hmmmff…
Sekarang ini niih, baru berasa kalo nyari duit itu susyeeeeh. Hee… Malu beut dah, kalo ongkos pergi ngaji, ongkos pergi rapat, beli pulsa, jajan dan sejenisnya masi minta orang tue . hihi.

PNS? Hee….kaga lulus aye! Hihi. Hmm…jadi inget waktu masi-masi jamannye skripsweet dulu. Pas ditanye sama temen, “Thel, entar kalo ude tamat, mau jadi ape?” Aye jawab dengan entengnye, “PNS”.
Temen aye kaget, “PNS? Masa’ iye Fathel mau jadi PNS?” Hihi. Emang aye kaga ade tampang-tampang PNS nye ye? Hee… Trus, pas aye ngurus kartu kuning, si Bapak nyang antek-antek (lho? Ko antek-antek yaah? Hihi) Depnakernye tanye, “Kenape mau jadi PNS, Buk? Beban Negara ini mah ude beraaaat. Kenape mesti ditambah lagi buat bayarin gajinya PNS?” heuu…ujung-ujungnye aye jadi ngobrol panjang ama itu Bapak. “Buk, mending buka usaha aje…” Usul si Bapak. Kalo nyang ini mah aye sepakat nih. Hehe. Kepade mereka, aye pengin ngejelasin…kalo aye ntu, ngikut tes PNS pan karna disuruh orang tue. Biaselaah… pan orang tua kepingin anaknye idup (adil) sejahtera. Yah, nda kaya, tapi nda miskin juge. Pan nyang macam begituan yaah PNS laah. Hee…. Tapi, kaga lulus, ya kaga nape-nape. Ini ngasi aye pelajaran, kalo ternyata jika kite ni kaga ngarep tinggi-tinggi, kite pun kaga terlalu kecewa. Beda beut jika kite ngareeeeep banget, pas kaga kesampaian yah kecewa. Kalo aye mah, kaga terlalu ngarep. Jadinye ya kaga terlalu kecewa. Hee… Semua keadaan adalah BAIK!

Hmm….sekarang ni, aye lagi pengin bisnis nih. Ide-ide berseliweran minta difasilitasi. Nyang paling mendekati dengan profesi aye dari sekian buanyaaak ide, yah bisnis apotek. Tapi, kaga kuat ngemodalin! Minimal itu ye, 200 jt. Dari mane aye bisa dapet segitu duit?! Kerja di apotek orang? Hufffft…boro-boro! Ngurusnye susaaah, pertanggungjawabannya guedeee (separuh kaki aye di penjara niih), eeh…aye Cuma digaji 700rb! Parah! UMR aje kaga nyampe!! Cape’ aye kuliyah profesi segala, kalo gajinye Cuma segitu doang! Pan jadi pembantu aje bisa lebih buanyak dari itu! (hihi, ko aye jadi gaji oriented begini! Hehe, maklumlah, pengangguran!)

Aye jadi inget salah satu hadist nabi. Kalau seorang Muslim ntu mesti kaya! Iya, kudu kaya! Berasa beut, kalo ‘miskin’ begini, mau pengajian, yaah ongkosnye aje susaaah. Mau ngadain acara, kaga ade modalnye. Suseh kan ye?! Hihi. Makenye, bener tuh, jad Muslim kudu kaya! Biar bisa ngasi lebih! (bukan berarti kalo kaga punya duit kaga bisa kasi ape-ape. Justru, nilainye bisa lebih, kalo kite punye sedikit, tapi masi bisa ngasi. Hee… Yaah, semua keadaan adalah BAIK dah!)

Walaupun duit bukan jadi orientasi, tapiii, kalo kaga ade duit emang mandeg! Mau bergeraaak, yah suseeeh! Hmm…tapiiii, inget manteranya “MAN JADDA WA JADDA” lah! Kalo mau, PASTI ade jalannye! PASTI ADA! Don’t worry dah!

Hee…jadiiiii, kesimpulannye, kalau Kite MAU….kite PASTI BISA! Meski aye mesti bolak-balik buku Manajemen Pemasaran dan sejenis-jenisnye, meski aye kudu bolak balik buku Psikologi segale, meski aye kudu hunting buku-buku matematika SMA segale (untungnye catetan aye pas SMA masi bisa diandalin! Hihi), meski aye mesti nyari-nyari referensi soal perikanan segala, meski aye kudu selancaran dulu di hutan rimbanya mbah gugel (masi untung bisa internetan di pelosok kampung begini), meski mata ni ampe berair karna seharian di depan kotak ajaib bernama computer, meski aye kudu Tanya sana sini beguru ame siape aje, insya Allah…aye jalanin! Jadi muslim kudu kaya! Jadi muslim kudu kaya! Biar kaya, harus usaha! Biar sukses harus usaha. Untuk itu semua, harus ada MAU….lalu MAJU! Karena duit kaga turun bersama hujan. Dia ade, kalau kitenye mau usaha!!

Ude yee, segitu aje cerite nye. Maap banget kalo aye Cuma cerita-cerita “nyampah” aje! Hihi. Ngalor ngidul, kaga jelas juntrungannye. Eih, nda ding! Ade juntrungannye lah! Masa siy kaga’! Rugi dong aye, kalo kaga!